Lajmet E fundit

“Shqipëria e Mesme i hedh lekët me fshesë”, Paro dhe Merushe Xhihani: Fatkeqësi që kemi lindur në Jug

Dy këngëtaret e muzikës popullore labe, Paro dhe Merushe Xhihani kanë realizuar së fundmi një bashkëpunim me titull “Goja motër të më kishe thënë”. Të ftuara, në “ABC e Mëngjesit” ato kanë treguar si lindi ky duet përmes shoqërisë së tyre 40-vjeçare.
“Ne vijmë nga monizmi dhe në atë kohë ne e mbanim shoqërinë dhe e ruanim, jo si tani. Si thonë më mirë një shoqe e vjetër se e re”, tha Paro.

“Shoqëria që të mbahet gjallë dhe të jetojë e mban vetëm goja, se çfarë nxjerr nga goja. Inat edhe ka, po nuk duhet të mbahet”, u shpreh Merushja.
“Ne kemi punuar në ‘Pallatin e Kulturës’ 11 vjet punonjëse. Kemi qenë në një qytet, patriote dhe kemi vazhduar bashkë me koncerte deri në ditët e sotme”, shtoi Paro.

Ndërsa, kur bëhet fjalë për koncertet, këngëtaret treguan se negociojnë për çmimet, por padyshim trevat e Veriut paguajnë më shumë.

“Ne është fatkeqësi se kemi lindur në Jug se Veriu hedh. Janë me qejfli. Shqipëria e Mesme hedh me fshesë”, tha Paro